Կանադայի եւ Ռուսաստանի ԱԳՆ ղեկավարները քննարկել են Լեռնային Ղարաբաղի հարցը

Ռեյկյավիկում Կանադայի եւ Ռուսաստանի ԱԳՆ ղեկավարներ Մարկ Գառնոն եւ Սերգեյ Լավրովը քննարկել են Լեռնային Ղարաբաղի իրավիճակը։ Այս մասին հայտնում է ՏԱՍՍ-ը՝ հղում կատարելով Կանադայի ԱԳՆ-ին։

Կանադայի ԱԳՆ ղեկավար Գառնոն կրկին կոչ է արել Հայաստանին եւ Ադրբեջանին թուլացնել լարվածությունը։

Մարկ Գառնոն նաև Լավրովին է ներկայացրել Ղրիմի վերաբերյալ Օտտավայի հայտնի դիրքորոշումը, մտահոգություն է հայտնել ուկրաինական սահմանի երկայնքով ռուսական զորքերի վերջերս տեղի ունեցած տեղաշարժերի առնչությամբ, ինչպես նաեւ կոչ է արել Մոսկվային ազատ արձակել դատապարտյալ Ալեքսեյ Նավալնուն։