Չեխիայի վարչապետը խոստովանել է, որ անշարժ գույք է գնել օֆշորի միջոցով
Oct 5, 2021
1 min read
Չեխիայի վարչապետ և դոլարային միլիոնատեր Անդրեյ Բաբիշը խոստովանել է, որ 2009 թվականին 16 անշարժ գույք է գնել օֆշորի միջոցով: Այդ մասին նա պատմել է չեխական հեռուստատեսությանը տված հարցազրույցում. փոխանցում է ria.ru-ն:
«Դա արվել էր անշարժ գույքի ֆիրմայի առաջարկությամբ, խորհուրդ են տվել այն գնել փաստաբանի միջոցով: Սրա մեջ ոչ մի անօրինական բան չկա: Ավելին, 2009-ին ես դեռ քաղաքականությամբ չէի զբաղվում»,- բացատրել է քաղաքական գործիչը՝ նշելով, որ ձեռք բերած անշարժ գույքը գտնվում է Ֆրանսիայում:
Ներկայում Բաբիշը Չեխիայից դուրս ոչ մի օֆշորային ընկերություն կամ անշարժ գույք չունի:
Comments