Չեխիայում տորնադոյի հետևանքով զոհերի թիվն ավելանում է. մահացել է 2 տարեկան երեխա
Jun 28, 2021
1 min read
Չեխիայում պտտահողմի հետևանքով 2 տարեկան երեխա է մահացել;
2-ամյա երեխան մահացել է Չեխիայի Բռնո քաղաքում՝ 4 օր հիվանդանոցում գտնվելուց հետո։ Սա տորնադոյի հետևանքով մահվան 6-րդ դեպքն է։
Այն շրջաններում, որտեղով անցել է պտտահողմը, ավերվել է 1200 տուն, 70-ը՝ ամբողջությամբ:
Պտտահողմի հետևանքով յոթ բնակավայր է տուժել Հարավմորավական մարզում: Տների փլատակների տակ մարդիկ էին մնացել: Ճշգրտվում է վնասի չափը։ Չեխիայի առաջին փոխվարչապետ և ՆԳ նախարար Յան Համաչեկը հայտնել է, որ տորնադոյի ավերածությունները վերացնելու նպատակով գուցե անհրաժեշտ լինի ներգրավել նաև բանակային ստորաբաժանումներին: Օդերևութաբանները նշել են, որ այս շրջաններում նման բնական երևույթները հազվադեպ են լինում։
Comments