Չինաստանի իշխանություններն արգելել են հեռուստատեսությամբ ցուցադրել «կանացի տղամարդկանց»

Չինաստանի իշխանություններն արգելել են հեռուստատեսությամբ «կանացի տղամարդկանց» ցուցադրել: Համապատասխան ծանուցումը հրապարակվել է Չինաստանի ռադիոյի և հեռուստատեսության Ազգային վարչության կայքում, փոխանցում է ՏԱՍՍ-ը:

Գերատեսչությունը կարգադրել է վճռականորեն կասեցնել «կանացի տղամարդկանց» և գեղագիտության նորմայից շեղվող որևէ այլ բանի ցուցադրումը հեռուստահաղորդումներում և խստորեն վերահսկել դերասանների ընտրությունը շոուի համար, նրանց ելույթները, հագուստը և դիմահարդարումը:

Բացի այդ, կառավարությունը դեմ է հեռուստաեթերում հարստության ցուցադրմանը, մարդկանց մասնավոր կյանքի քննարկմանը։ Այդ ամենն, իշխանությունների կարծիքով, չի արտացոլում ՉԺՀ-ի արժեքային համակարգը: