Արցախում հաստատվել են կորոնավիրուսային հիվանդության երկու նոր դեպքեր

Արցախում հունիսի 17-ի ժամը 11։00-ի դրությամբ հաստատվել են կորոնավիրուսային հիվանդության երկու նոր դեպքեր: Այս մասին հայտնում են Արցախի առողջապահության նախարարությունից։

Մեկ օրում կատարվել է 45 թեստավորում։ Թեստավորման ընդհանուր թիվն, այսպիսով, Արցախում հասել է 25 913-ի։ Հաստատվել է կորոնավիրուսային հիվանդության ընդհանուր 2 769 դեպք։ 2021 թվականի սկզբից կորոնավիրուսի լաբորատոր հայտնաբերման նպատակով իրականացվել է 8 461 քաղաքացու հետազոտություն, որոնցից 885-ի մոտ արձանագրվել է թեստի դրական պատասխան։