Սլովակիան, Չեխիան և Ավստրիան որոշել են երրորդ դեղաչափով պատվաստումներ անել

Սլովակիայի, Չեխիայի և Ավստրիայի իշխանությունները մտադիր են թույլատրել իրենց բնակիչներին, որոնք լիարժեք՝ երկու դեղաչափով պատվաստվել են կորոնավրուսի դեմ, ստանալ երրորդ դեղաչափը։ Այդ մասին հայտնում է RTVS հեռուստաալիքը։

Ցանկացողներին կթույլատրվի երրորդ դեղաչափն ընդունել պատվաստման հիմնական կուրսի ավարտից 8 ամիս անց։

Իշխանությունները հայտնել են, որ բուստերային դեղաչափն առաջին հերթին պետք է ստանան ռիսկային խմբերում գտնվող քաղաքացիները։ Նրանց շարքում են 60-ից բարձր տարիքի և քրոնիկ հիվանդություններ ունեցող անձինք։