ՌԴ-ում վերջին մեկ շաբաթում արձանագրվել է covid 19-ից մահացության առավելագույն ցուցանիշը

Ռուսաստանում կորոնավիրուսի հետևանքով մահացածների թիվը վերջին յոթ օրվա ընթացքում ամենամեծն է եղել համաճարակի ողջ ընթացքում: Այս մասին հայտնում է ՏԱՍՍ գործակալությունը՝ ներկայացնելով վարակի դեմ պայքարի օպերատիվ դաշնային շտաբի տվյալները:

Վարակման դեպքերի թիվը երկրում մեկ շաբաթում աճել է մոտ մեկ քառորդով, իսկ ներկա պահին վարակված քաղաքացիներ թիվը հասել է փետրվարից ի վեր գրանցված առավելագույն ցուցանիշին:

Հունիսի 21-27-ն ընկած ժամանակահատվածում արձանագրվել է 134 465 վարակման դեպք, մինչդեռ մեկ շաբաթ առաջ արձանագրվել էր վարակման 108 139 դեպք (24 տոկոս աճ): Դա առավելագույն ցուցանիշն է 2021 թվականի հունվարից ի վեր:

Հիվանդացության մակարդակին զուգահեռ աճում է նաև մահացության ցուցանիշը.վերջին մեկ շաբաթում արձանագրվել է մահվան 3921 դեպք: Դրան նախորդած շաբաթվա տվյալը կազմել էր 2931 մարդ: