Դանակահարված տղամարդը ոստիկաններին հայտնել է՝ վնասվել է խնձոր մաքրելիս

Դեկտեմբերի 30-ին հիվանդանոցից ոստիկանության Աշտարակի բաժին հաղորդում էր ստացվել, որ «կրծքավանդակի առաջնային մակերեսի ծակած-կտրած վերք» ախտորոշմամբ բուժօգնության դիմած 61-ամյա տղամարդը հայտնել է, որ խնձոր մաքրելիս դանակով անզգուշաբար խփել է կրծքավանդակին։ Այս մասին հայտնում են ՀՀ ոստիկանությունից:

Փաստի առթիվ հարուցված քրեական գործի շրջանակներում ոստիկանության Արագածոտնի մարզային վարչության և Աշտարակի բաժնի ծառայողների ձեռնարկած օպերատիվ֊հետախուզական միջոցառումների շնորհիվ հուլիսի 9-ին պարզվել է, որ տղամարդուն ծանր մարմնական վնասվածքը պատճառել է 57-ամյա կինը։ Նա բերման է ենթարկվել Աշտարակի բաժին, ապա ներկայացվել է նախաքննական մարմնին և տվել խոստովանական ցուցմունք:

Կատարվում է նախաքննություն: