Դանակահարություն՝ Ատազության պողոտայի ռեստորաններից մեկում
- Sep 16, 2021
- 1 min read
Սեպտեմբերի 15-ին ոստիկանության Քանաքեռ-Զեյթունի բաժին հաղորդում է ստացվել, որ Ազատության պողոտայի ռեստորաններից մեկում դանակահարություն է եղել։ Քիչ անց հիվանդանոցից են հայտնել, որ կտրած-ծակած վերքերով բուժօգնության է տեղափոխվել 32-ամյա մի տղամարդ։
Բաժնի օպերատիվ խմբի ծառայողները ձեռնարկված միջոցառումների շնորհիվ հայտնաբերել և կասկածանքով ոստիկանության Քանաքեռ-Զեյթունի բաժին բերման են ենթարկել 48-ամյա տղամարդու: Նա խոստովանել է, որ վիճաբանության ժամանակ ծալովի դանակով հարվածներ է հասցրել 32-ամյա տղամարդուն՝ պատճառելով վնասվածքներ:
Հանցագործության գործիք դանակը հայտնաբերվել է:
48-ամյա տղամարդը ձերբակալվել է:
Կատարվում է նախաքննություն:
Comments