Չգիտեմ՝ վեթինգի կարիք ունենք, թե ոչ, դատական համակարգում նորմալ աշխատում ենք․ դատավոր

Այսօր՝ Մարզահամերգային համալիրում Դատավորների ընդհանուր ժողովի մեկնարկին, լրագրողների հետ զրույցում դատավոր Արշակ Վարդանյանը նշեց, որ դատավորները նորմալ աշխատում են, և ինքը չգիտի՝ վեթինգի կարիք կա, թե ոչ։ Նրա խոսքով` յուրաքանչյուրն իր տեղում, իր դիրքում է։

Դիտարկմանը, որ խոսում են կարգապահական վարույթներն ավելացնելու մասին, դա սպառնալի՞ք է դատավորների համար, Արշակ Վարդանյանը նկատեց՝ եթե ավելանալու են, թող ավելանան։

«Արդեն միանշանակ է, եվրոպական համապատասխան կառույցներն էլ են արձանագրել, որ ՀՀ արդարադատության նախարարը չպետք է ունենա այդ գործիքակազմը՝ դատավորների նկատմամբ վարույթ հարուցելու։ Խոսքը հատկապես վերաբերում է նյութական դատավարական իրավունքի խախտման դեպքերին»,-նշեց դատավորը։

Մանրամասները՝ տեսանյութում: