Ներկայացրել եմ մանդատից հրաժարվելու դիմում. Դավիթ Գևորգյան
ՀՀ Արագածոտնի մարզպետ Դավիթ Գևորգյանը ֆեյսբուքյան գրառմամբ տեղեկացնում է, որ ԿԸՀ է ներկայացրել ԱԺ պատգամավորական մանդատից հրաժարվելու վերաբերյալ դիմում և կշարունակի գործունեությունը մարզպետի պաշտոնում:
«Սիրելի՛ հայրենակիցներ, Արագածոտնի մարզի թանկագի՛ն բնակիչներ, Կենտրոնական ընտրական հանձնաժողով եմ ներկայացրել ԱԺ պատգամավորական մանդատից հրաժարվելու վերաբերյալ դիմումս և կշարունակեմ գործունեությունս Արագածոտնի մարզպետի պաշտոնում:
Վստահության համար խորին շնորհակալություն եմ հայտնում ՀՀ վարչապետի պաշտոնակատար Նիկոլ Փաշինյանին, ՏԿԵ նախարարի պաշտոնակատար Սուրեն Պապիկյանին և Հայաստանի Հանրապետության քաղաքացիներին:
Արագածոտնի մարզի թանկագի՛ն բնակիչներ, մենք շարունակելու ենք իրագործել մեր մարզի զարգացման ծրագրերը և դեպի ավելի բարեկարգ Արագածոտնի մարզ տանող ճանապարհային քարտեզի ոչ մի ծրագիր չենք շրջանցելու:
Ուրեմն՝ ի գործ: Միասին ստեղծենք ավելի բարեկեցիկ Արագածոտնի մարզ, որտեղ, վստահ եղեք, ապագա կա ու այդ ապագան լուսավոր է լինելու»,- գրել է Գևորգյանը:
Comments