Ընթանում է իշխանության կողմից «սիրված» պաշտպանության նախարարի «հիանալի թեկնածու» Դավիթ Տոնոյանի դատը
Երեք տարի առաջ այժմյան արտգործնախարար Արարատ Միրզոյանը ֆեյսբուքյան իր էջում անդրադարձել էր պաշտպանության նախարարի` իր թեկնածուին և նշել, որ այդ պաշտոնին տեսնում է այն ժամանակվա ԱԻ նախարար Դավիթ Տոնոյանին։
Միրզոյանն իր գրառման մեջ պնդել էր, որ Տոնոյանը նախարարի հիանալի թեկնածու է, պրոֆեսիոնալ է, պարկեշտ անձնավորություն և երբեք չի եղել կոռուպցիոն սկանդալի հերոս։
«Վստահ եմ՝ նրա ղեկավարությամբ մեր բանակն արագ կարդիականանա և մշտապես կծառայի իր միակ գործառույթին՝ մեր սահմանների պաշտպանությանը՝ երբեք չխառնվելով քաղաքականությանը»,-գրել էր Արարատ Միրզոյանը։
Գրառումից չորս տարի անց պաշտպանության նախկին նախարար Դավիթ Տոնոյանը ձերբակալված է։ Նրան առաջադրվել է մի քանի մեղադրանք՝ 2 277 323 840 դրամ հափշտակելու և հանրորեն վտանգավոր արարքներ կատարելու համար։ Նրան կալանավորելու միջնորդություն է ներկայացվել դատարան, որն այժմ քննվում է:
Comments