Դավիթ Չալոյանը նվաճել է բռնցքամարտի աշխարհի փոխչեմպիոնի տիտղոսը

Դավիթ Չալոյանն աշխարհի առաջնությունում նվաճել է արծաթե մեդալ, որը ոսկու արժեք ունի: Այդ մասին հայտնում է Հայաստանի բռնցքամարտի ֆեդերացիան։

Նա դարձել է բռնցքամարտի Հայաստանի հավաքականի և ինչու չէ նաև համաշխարհային բռնցքամարտի հայտնությունը, որը այսուհետ շատերի համար նաև անցանկալի մրցակից կլինի ցանկացած միջազգային ստուգատեսում:

Աշխարհի առաջնության եզրափակիչում հայ մարզիկը մրցել է Ռուսաստանը ներկայացնող մարկ Պետրովսկու հետ ու զիջել համառ ու հավասար պայքարում: Ընդ որում առաջին ռաունդում Չալոյանը նույնիսկ նոկդաունի է ենթարկել մրցակցին: Աշխարհի առաջնությունից Հայաստանը կվերադառնա երկու մեդալով: Մեկ բրոնզ էլ նվաճել էր Հովհաննես Բաչկովը։