Ռուսաստանում արձանագրվել է կորոնավիրուսի նոր շտամ

Ռուսաստանում հայտնաբերվել է «դելտա-պլյուս» կորոնավիրուսի շտամ, այս մասին ասել է «Ռոսպոտրեբնադզորի» վարչության ղեկավար Աննա Պոպովան: Անցյալ շաբաթ հայտնվեց տեղեկատվություն այն մասին, որ SARS-CoV-2 նոր տարբերակը մուտք է գործել ՌԴ: Այս մասին հայտնել էր Fontanka.ru-ն՝ հղում կատարելով Սմորոդինցևի գրիպի հետազոտական ​​ինստիտուտի փոխտնօրեն Դարիա Դանիլենկոյին: Այնուհետև հայտնեցին, որ ուսումնասիրում են այս տվյալները:

«Մենք շատ ուշադիր ստուգեցինք բոլոր տվյալները: Տեղեկությունը հաստատվեց և սա իսկապես դելտա-պլյուս տարբերակ է»,- ասել է Պոպովան՝ COVID-19 համակարգող խորհրդի նախագահության նիստում:

Ընդհանուր առմամբ, Ռուսաստանում արձանագրվել է կորոնավիրուսով վարակման ավելի քան 5.4 մլն դեպք, որից ավելի քան 134 հազարը՝ մահվան ելքով: