Պատերազմի մասնակից 6 948 ուսանողի ուսման վարձը կփոխհատուցի Կառավարությունը
- May 27, 2021
- 1 min read
Այսօր կառավարության նիստում ընդգրկված էր նաև Ադրբեջանի կողմից Արցախի Հանրապետության դեմ սանձազերծված պատերազմի ընթացքում մարտական գործողությունների մասնակից ուսանողների, ինչպես նաև պատերազմի ընթացքում մարտական գործողությունների մասնակից անձանց ուսանող երեխաների և ամուսինների 2020-2021թթ. ուսումնական տարվա մեկ կիսամյակի ուսման վարձը փոխհատուցելու հարցը։ Կրթության, գիտության, մշակույթի և սպորտի նախարարի պաշտոնակատար Վահրամ Դումանյանը նշեց, որ կառավարության նախկինում ընդունած համապատասխան որոշումներով ուսման վարձի փոխհատուցում է տրամադրվել 4 213 ուսանողի՝ հատկացնելով 895,4 մլն դրամ:
«Նախագծի ընդունման արդյունքում ընդհանուր առմամբ փոխհատուցում ստացողների թիվը կկազմի 6 948, իսկ փոխհատուցման չափը՝ 1,463,861.7 հազար դրամ»,- ասաց Դումանյանը:
Նախագիծն ընդունվեց միաձայն։
Comments