Էդուարդ Սպերցյանը կազատվի պարտադիր զինվորական ծառայությունից
Այսօր՝ հուլիսի 8- ին, կառավարության նիստի օրակարգում ընդգրկված է նաև Էդուարդ Մկրտիչի Սպերցյանին շարքային կազմի պարտադիր զինվորական ծառայությունից ազատելու մասին հարցը։
Սպերցյանին 2021 թվականին շնորհվել է ՀՀ քաղաքացիություն, և այս պահին նա հանդես է գալիս Հայաստանի ֆուտբոլի ազգային հավաքականի թիմում, մասնակցում է ուսումնամարզական հավաքներին, նախապատրաստվում մասնակցելու 2022 թվականի աշխարհի առաջնության ընտրական փուլի խաղերին:
Էդուարդ Մկրտիչի Սպերցյանը հաշվառված է Կենտրոնի տարածքային զինվորական կոմիսարիատում:
«Էդուարդ Մկրտիչի Սպերցյանին շարքային կազմի պարտադիր զինվորական ծառայությունից ազատելու մաuին» Հայաստանի Հանրապետության կառավարության որոշման ընդունման առնչությամբ Հայաստանի Հանրապետության պետական բյուջեում ծախսերի ու եկամուտների էական ավելացում կամ նվազեցում չի նախատեսվում:
Comments