Երիտասարդները գնում են այն մասնագիտության հետևից, որը գումար է բերելու և մոռանում են գիտության մասին

Երևանի պետական համալսարանն աշխատում է այն ուղղությամբ, որ ուսանողները կարողանան իրենց տեսական գիտելիքները կիրառել նաև պրակտիկ ոլորտում:

Այս մասին այսօր հրավիրված ասուլիսի ժամանակ ասաց ԵՊՀ ռեկտորի պաշտոնակատար Հովհաննես Հովհաննիսյանը՝ անդրադառնալով այն դիտարկմանը, որ ուսանողները կրթություն ստանալու հետ մեկտեղ շատ հաճախ դժվարանում են իրենց տեսական գիտելիքները կիրառել պրակտիկայում որևէ կազմակերպությունում աշխատանքի ընդունվելու ընթացքում:

Նա նշեց, որ այս հարցը համալսարանի հիմնական խնդիրներից մեկն է, երբ որ տեսական և պրակտիկ գիտելիքները իրար հետ չեն համապատասխանում, բայց համալսարանը այն լուծելու ուղղությամբ քայլեր է ձեռնարկում: