Էստոնիայում չպատվաստվածներին արգելել են այցելել հանրային վայրեր

Էստոնիայում երկուշաբթի օրվանից հանրային վայրեր կարող են այցելել միայն պատվաստվածները, ինչպես նաև կորոնավիրուսից ապաքինված բնակիչները. այդ մասին տեղեկացրել է կառավարության մամուլի ծառայությունը։

Հոկտեմբերի 25-ից Էստոնիայում սկսել են գործել կորոնավիրուսի տարածումը սահմանափակող նոր միջոցներ։ Կառավարության ընդունած որոշման համաձայն՝ չպատվաստված բնակիչները անգամ COVID-19-ի բացասական թեստի առկայության դեպքում չեն կարող այցելել մի շարք հանրային վայրեր, ներառյալ մարզակումբներ, հանրային սննդի կետեր, թատրոններ կինոթատրոններ, սպա-սրահներ և այլն։

Էստոնիայում խստացվում են նաև դիմակներ կրելու պահանջները։ Վաճառողները և ծառայություններ իրականացնողները պարտավոր են թույլ չտալ առանց դիմակի այցելուներին մտնել առևտրային կենտրոններ եւ խանութներ։