Էստոնիան խնդրել է ԵՄ-ին ՀՕՊ համալիրներ տեղակայել իր մոտ՝ Ռուսաստանին զսպելու համար

Aug 29, 2021

1 min read

Էստոնիայի նախագահ Կերստի Կալյուլայդը խնդրել է Եվրամիությանը ֆինանսավորել իր երկրում միջին հեռահարության ՀՕՊ համալիրների տեղակայումը՝ Ռուսաստանին զսպելու համար: Այս մասին հայտնում է ERR պարբերականը։

Էստոնացի առաջնորդը նշել է, որ մերձբալթյան երկրները, այդ թվում Էստոնիան, պաշտպանության վրա ծախսում են միջինում ՀՆԱ-ի երկու տոկոսը: Ընդ որում, նրանք մինչ այժմ չեն կարողացել իրենց մոտ հաստատել գործողության միջին շառավղով հակաօդային պաշտպանության համակարգեր։ Կալյուլայդը Բրյուսելին առաջարկել է օգտագործել համախմբման հիմնադրամի միջոցները՝ դրանք վերաբաշխելու համար հօգուտ բալթյան պետությունների պաշտպանունակության։