Հայաստանում կարճատև անձրև և ամպրոպ է սպասվում, առանձին շրջաններում հնարավոր է կարկուտ

Հայաստանի տարածքում մայիսի 16-ին, 21-ին կեսօրից հետո առանձին շրջաններում, 17-ի ցերեկը, 18-ին շրջանների զգալի մասում սպասվում է կարճատև անձրև և ամպրոպ: Առանձին հատվածներում հնարավոր է կարկուտ։ Մայիսի 19-20-ն սպասվում է առանց տեղումների եղանակ:

Ինչպես «Արմենպրես»-ին տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, քամին կլինի հարավ-արևմտյան՝ 5-10 մ/վ արագությամբ, ամպրոպի ժամանակ առանձին շրջաններում սպասվում է քամու ուժգնացում մինիև 15-20 մ/վ:

Օդի ջերմաստիճանն էապես չի փոխվի: