Ֆլորիդայում ավարտական երեկոյին հաջորդած հրաձգության հետևանքով առնվազն 3 մարդ է մահացել

Jun 7, 2021

1 min read

ԱՄՆ Ֆլորիդա նահանգի Մայամի Դեյդ շրջանում ավարտական երեկոյից հետո տեղի ունեցած հրաձգության հետևանքով առնվազն 3 մարդ է մահացել․ կան բազմաթիվ վիրավորներ։

Հրաձգությունը տեղի է ունեցել ամսի 7-ին՝ ժամը 2-ի սահմաններում՝ Քենդալում համայնքում տեղի ունեցած ավարտական երեկույթից հետո, երբ երեկույթի մասնակիցները տեղական ռեստորաններից մեկից հեռանալիս են եղել։

Մայամի Դեյդի ոստիկանության ներկայացուցիչ Ֆրեդի Ռամիրեսի խոսքով՝ դեռևս անհայտ անձը հրաձգությունն իրականացրել է ռեստորանի մոտ կայանված մեքենայից։

Զոհերի թվում են՝ 2 տղամարդ և 1 կին, ևս 6-ը՝ երեք կին և երեք տղամարդ, տարբեր աստիճանի վնասվածքներով տեղափոխվել են հիվանդանոցներ։