Ֆրանսիայում սպիտակ ներկ են լցրել սևամորթ ստրկուհու հայտնի արձանի վրա (լուսանկարներ)

Ֆրանսիայի Բորդո քաղաքում անհայտ անձինք սպիտակ ներկ են լցրել սևամորթ ստրուկուհու արձանի վրա: Ինչպես հաղորդում է BBC News-ը, քաղաքի իշխանությունները կատարվածը որակել են ռասիստական հարձակում:

Բրոնզե քանդակը պատկերում է աֆրիկուհի Մոդեստ Տեստասին, որին որպես ստրուկ Բորդո են տեղափոխել 18-րդ դարում: Տեստասին ուղարկել էին Էսպանիոլա կարիբյան կղզի՝ աշխատելու շաքարի պլանտացիայում: Ավելի ուշ նա տեղափոխվել էր ԱՄՆ և ազատ արձակվել իր ֆրանսիացի տիրոջ մահից հետո: