Ֆրանսիայի Սենատը հաստատել է սանիտարական անցաթղթերի մասին օրինագիծը

Jul 26, 2021

1 min read

Ֆրանսիայի Սենատը հավանության է արժանացրել սանիտարական անցաթղթերի կիրառումն ընդլայնելու և բուժաշխատողների շրջանում կորոնավիրուսի դեմ պարտադիր պատվաստման մասին օրինագիծը, որում սենատորները որոշ փոփոխություններ են արել:

Օրինագծի ընդունմանը կողմ է քվեարկել 199 խորհրդարանական, դեմ՝ 123-ը: Կիրակի օրվա երկրորդ կեսին օրինագիծը պետք է վերանայի խորհրդարանական խառը հանձնաժողովը: Փաստաթուղթը երկու օր առաջ ընդունել էր Ֆրանսիայի Ազգային ժողովը (խորհրդարանի ստորին պալատը):

Հիշեցնենք, որ նախօրեին Ֆրանսիայի մի շարք քաղաքներում բազմահազարանոց ցույցեր են անցկացվել՝ ընդդեմ սանիտարական միջոցառումների և անցաթղթերի ներմուծման: