Ի՞նչ հարցեր են ներառված Ֆրանսիայի և Ռուսաստանի ԱԳ նախարարների հանդիպման օրակարգում

Sep 21, 2021

1 min read

Ֆրանսիայի արտգործնախարար Ժան-Իվ Լե Դրիանը հայտարարել է, որ մտադիր է այս շաբաթ ՄԱԿ-ի Գլխավոր ասամբլեայի նստաշրջանին իր ռուս գործընկեր Սերգեյ Լավրովի հետ քննարկել Իրանի, Լիբիայի, Աֆղանստանի և Ուկրաինայի հարցերը:

«Իրանը շարունակում է չկատարել իր պարտավորությունները: Այս հարցը մտահոգիչ է: Մենք դա կքննարկենք ինչպես Ռուսաստանի, այնպես էլ Չինաստանի հետ: Ես ծրագրում եմ երկկողմ հանդիպում իմ ռուս գործընկեր Սերգեյ Լավրովի հետ՝ քննարկելու Իրանին, ինչպես նաև Աֆղանստանին, Լիբիային և Ուկրաինային առնչվող հարցեր»,- ասել է Լե Դրիանը Նյու Յորքում՝ ՄԱԿ-ի Գլխավոր ասամբլեայի 76-րդ նստաշրջանի շրջանակում կայացած մամուլի ասուլիսում: