Գանայում բեռնատար է պայթել․ կան զոհեր և վիրավորներ (տեսանյութ)

Առնվազն 17 մարդ է զոհվել Գանայի արևմուտքում՝ Բոգոսո քաղաքի մոտ բեռնատարի պայթյունի հետևանքով. հայտնում է BBC-ն։

Պայթյունը տեղի է ունեցել այն բանից հետո, երբ բեռնատարը, որում եղել են պայթուցիկ նյութեր՝ նախատեսված լեռնաարդյունաբերական աշխատանքների համար, բախվել է մոտոցիկլետին։

Պայթյունի վայրում բազմաթիվ շինություններ են ավերվել։

Հաղորդվում է մոտ 60 տուժածի մասին։