Ում չի կարելի գազար ուտել․ մեկնաբանել է սննդաբանը

Գազարն արագացնում է նյութափոխանակությունը, նվազեցնում խոլեստերինը, երիտասարդացնում է և նպաստում է քաշի կորստին, սակայն որոշ մարդիկ ավելի լավ է այն բացառեն սննդակարգից, ՌԻԱ Նովստիին ասել է սննդաբան Օլգա Կորաբլևան։

Նրա խոսքով՝ լյարդի հիվանդությունների դեպքում այս բանջարեղենն անցանկալի է օգտագործել. եթե օրգանն անառողջ է, ապա կարոտինը չի օգնի օրգանիզմին։

Հակացուցումներից են նաև ստամոքսի կամ աղիների խոցը և էնտերիտը (բարակ աղիների պատերի բորբոքում)։

Կորաբլևան ավելացրել է նաև, որ գազարը չպետք է լինի փափուկ և խորդուբորդ, ինչպես նաև չպետք է ունենա բծեր ու ճաքեր (դա նշանակում է, որ միջուկը փչացած է): «Եթե գագաթները շատ հաստ են, ապա, ամենայն հավանականությամբ, արմատային բերքը կոշտ կլինի»,- ասել է սննդաբանը։