Գերիներին վերադարձնելու պայմանավորվածության հարցում վճռորոշ դեր է ունեցել Մուրադովը

Jun 12, 2021

1 min read

Հայ 15 գերու հայրենիք վերադարձի շուրջ համաձայնության գալու հարցում որոշիչ դերը Լեռնային Ղարաբաղում Ռուսաստանի խաղաղապահ առաքելության հրամանատար Ռուստամ Մուրադովինն է, հայտնել է «Սպուտնիկ-Արմենիայի» աղբյուրը:

Քարվաճառի շրջանում ադրբեջանցի լրագրողների պայթեցումից հետո Բաքուն համառորեն խնդրում էր միջնորդներին՝ օգնելու ձեռք բերել ականապատ տարածքների քարտեզներ: Աղբյուրը նշում է, որ վերջերս գեներալ Մուրադովն ակտիվորեն կապի մեջ է եղել Հայաստանի և Ադրբեջանի զինված ուժերի հրամանատարության հետ:

Ադրբեջանի ԱԳՆ-ն այսօր հայտարարել է Աղդամի շրջանում ականապատ դաշտերի քարտեզի դիմաց հայկական կողմին 15 հայի փոխանցելու մասին: