Գերմանիայում խստացվում են սահմանափակումները չպատվաստված քաղաքացիների համար

Ամբողջ Գերմանիայում խստացվում են սահմանափակումները COVID-19-ի դեմ չպատվաստվածների համար։ 16 դաշնային նահանգների իշխանությունները, Գերմանիայի գործող կանցլեր Անգելա Մերկելը և ապագա հավանական կանցլեր Օլաֆ Շոլցը համապատասխան համաձայնության են եկել։

Նոր կանոնները չպատվաստված բնակիչներին արգելում են մուտք գործել մանրածախ առևտրի կետեր՝ բացառությամբ դեղատների և մթերային սուպերմարկետների:

Ավելի վաղ չպատվաստվածների համար սահմանափակվել էր մուտքը բարեր և ռեստորաններ։ Իշխանություններն ասում են, որ շատ հիվանդանոցներ կրկին աշխատում են ամբողջ հզորությամբ, գերլարված՝ դեպքերի թվի աճի պատճառով: