Ո՞նց պիտի պապիկից ներողություն խնդրեմ․ Գևորգ Էմինի թոռն անդրադարձել է Փաշինյանի չստացված ասմունքին

Վարչապետի պաշտոնակատար Նիկոլ Փաշինյանը Դաշտադեմ համայնքում այսօր փորձեց ասմունքել Գևորգ Էմինի «Սասունցիների պարը», սակայն չստացվեց։ «Չէ, չէ, մի րոպե, ոչինչ, վաղուց չեմ արտասանել»,- արդարացավ Փաշինյանը։ Նա ասաց, թե իրար հետ Դաշտադեմի ամրոցում ամեն տարի հունիսին Յարխուշտայի փառատոն պիտի անեն։

«Բոլոր հայերը պիտի յարխուշտա պարել սովորեն՝ ինձնից սկսած»,- հայտարարեց վարչապետի պաշտոնակատարը։

Այս միջադեպին է անդրադարձել Գևորգ Էմինի թոռը՝ Գևորգ Էմին-Տերյանը։ Նա ֆեյսբուքյան իր էջում գրել է․ «Այսօր գերագույն գլխավոր նողկանքը Գևորգ Էմինի բանաստեղծությունն է արտասանել։ Հիմա մտածում եմ, թե ոնց պիտի պապիկից ներողություն խնդրեմ»։