Կապան-Գորիս ճանապարհի փակ լինելու պատճառով կապն Իրանի հետ ևս կտրված է. Անժելա Նալբանդյան

«Հայաստան» դաշինքի ներկայացուցիչ Անժելա Նալբանդյանն իր ֆեյսբուքյան էջում գրել է․

«Ադրբեջանցիների կողմից Կապան-Գորիս ճանապարահատվածն արդեն մեկ օր է, ինչ փակ է, և դա լուրջ խնդիրներ է առաջացրել Իրանից եկող բեռնափոխադրող մեքենաների համար:

Ինչպես երևում է տեսանյութերում, բեռնափոխադրող մեքենաները մնացել են ճանապարհին: Դրանցից որոշները բեռնված են փչացող մթերքներով:

Եթե ճանապարհը շարունակի փակ մնալ, այն լրջագույն խնդրի առաջ կկանգնեցնի Հայաստանին, քանի որ կապը Իրանի հետ այս պահին, ըստ էության, ևս կտրված է»: