Համայնքի ղեկավարին կից թող գործի հեղինակավոր մարդկանցից կազմված մարմին. ՔՊ-ական պատգամավոր

Համայնքների համախմբման արդյունքում համախմբվում են նաև ռեսուրսները։ Այդ մասին այսօր խորհրդարանում ասաց ԱԺ «Քաղաքացիական պայմանագիր» խմբակցության պատգամավոր Վիգեն Խաչատրյանը։

Նրա խոսքով՝ մենք ունենք համայնքային ավագանի։

«Բայց պետք է համայնքի ղեկավարին կից գործի կոլեգիալ մարմին, որը բաղկացած կլինի հեղինակավոր մարդկանցից՝ դպրոցի տնօրեն, մանկապարտեզի վարիչ»,- ասաց նա։

Ըստ պատգամավորի՝ դա պետք է, որ համայնքի ղեկավարի գործողությունը հավասարակշռվի։

Վիգեն Խաչատրյանը նշեց, որ այդ մարմինը պետք է կարողանա պահանջել նաև համայնքի ղեկավարի հրաժարականը, եթե դժգոհ լինի նրա աշխատանքից։