Համայնքների խոշորացումից առաջ համայնքապետերը որոշել են համայնքից պոկել ինչ հնարավոր է. «Հրապարակ»

«Հրապարակ» օրաթերթը գրում է.

«Համայնքների խոշորացումից առաջ համայնքապետերը որոշել են խորամանկել և համայնքից պոկել ինչ հնարավոր է։ Որոշ գյուղապետեր, իմանալով, որ իրենց գյուղերն այլևս ինքնուրույն վարչական միավոր չեն լինելու, և իրենք էլ ինքնուրույն որոշումներ կայացնող համայնքապետեր չեն լինելու, որոշել են մինչեւ ընտրություններն օտարել համայնքային ազատ հողերը, տարածքները։ Դրանք, ճիշտ է, ավագանու նիստերով հաստատվում են, բայց օտարվում են հիմնականում համայնքապետերի մտերիմներին։

Արդեն կան նմանատիպ փորձեր, ուստի տարածքային կառավարման նախարարությունը ներքին կարգով հրահանգ է իջեցրել Կադաստրի կոմիտեին, որ մինչև ՏԻՄ ընտրությունները դադարեցնեն համայնքային նշանակության հողերի օտարման գործարքների գրանցումը»։