Զասը մտահոգված է ՀԱՊԿ սահմանների մոտ ՆԱՏՕ-ի ռազմական ներկայության աճով

Հավաքական անվտանգության պայմանագրի կազմակերպության (ՀԱՊԿ) գլխավոր քարտուղար Ստանիսլավ Զասը մտահոգված է ՀԱՊԿ սահմանների մոտ ՆԱՏՕ-ի ակտիվությամբ: Այս մասին նա հայտարարել է մայիսի 19-ին Դուշանբեում կազմակերպության արտգործնախարարների խորհրդի նիստի ժամանակ․ գրում է EurAsia Daily գործակալությունը:

«Ցավոք, համաշխարհային անվտանգության ոլորտում դրական տեղաշարժեր չկան: Իրավիճակը գործնականում ՀԱՊԿ անդամ պետությունների սահմանների ողջ պարագծով շարունակում է լարված մնալ: Մեր կազմակերպության պատասխանատվության արևելաեվրոպական գոտու սահմաններին մոտ ավելի ակտիվորեն է գործարկվում ՆԱՏՕ-ի երկրների ռազմական ներկայությունն ու ռազմական ակտիվությունը»,-նշել է գլխավոր քարտուղարը: