Հայաստանի հարավը կտրված է հյուսիսից, ինչն այս իշխանության անհայրենիք լինելու հետևանքն է․ Գալստյան

Պետականության բացակայության և ինքնիշխանության կորստի դեպքում, երբ վտանգված է ներկան, Նիկոլ Փաշինյանը խոսում է Հայաստանի ապագայի մասին։ Այդ մասին ԱԺ-ում ճեպազրույցի ժամանակ լրագրողներին ասաց «Հայաստան» խմբակցության պատգամավոր Լիլիթ Գալստյանը։

Պատգամավորի խոսքով՝ փակված է ոչ միայն Գորիս-Կապան, այլ նաև Գորիս-Որոտան ճանապարհը, իսկ երկրի վարչապետը «մանիպուլյացիաներ է անում և մեղքն անցյալի վրա բարդում»։

Ըստ Լիլիթ Գալստյանի՝ Հայաստանի հարավը կտրված է հյուսիսից, ինչն այս իշխանության ձախողումն է, հայրենիքից կտրված լինելը։

«Հիշեցնեմ, որ երեկ Նիկոլ Փաշինյանի հրահանգով ԱԺ-ում հաշվեհարդար էր տեղի ունենում, և այդ վիճակից Փաշինյանը հրճվում էր, իսկ նույն ժամանակահատվածում Սյունիքը շարունակում էր գլխատված մնալ»,- ասաց պատգամավորը։

Մանրամասները՝ տեսանյութում։