Սահմանի այն հատվածը, որ պահում ենք մենք, մեծամասամբ օկուպացվում է․ Պողոսյան

Հայաստանում կատարվում է այն, ինչ կատարվում է բոլոր պարտված երկրներում։ Այդ մասին այսօր հրավիրած ասուլիսին ասաց քաղաքագետ Թևան Պողոսյանը։

Նրա խոսքով՝ փաստ է, որ Հայաստանը դաս չի քաղել իր պարտությունից, և դա երևում է նույն իշխանությանը վերարտադրելուց։

«Այս պահին Արցախի ու Հայաստանի անվտանգություն ասելիս պետք է մի բան գիտակցենք՝ սահմանի այն մասը, որը պահում է մեր ռազմավարական դաշնակիցը, համեմատաբար խաղաղ է, իսկ այն հատվածը, որ պահում ենք մենք, մեծամասամբ օկուպացվում է»,- նկատեց նա։