«Հայաստան» խմբակցության պատգամավորները տեսակցել են Արմեն Չարչյանին

ԱԺ «Հայաստան» խմբակցության պատգամավորներն այցելել են Քանաքեռ-Զեյթուն հիվանդանոց՝ տեսակցելու պատգամավոր Արմեն Չարչյանին։

ԱԺ փոխնախագահ Իշխան Սաղաթելյանը լրագրողների հետ զրույցի ժամանակ ասաց, որ եկել են տեսակցելու իրենց գործընկերոջը։

«Ե՛վ բժիշկները, և՛ փաստաբանները խոսել են այն մասին, որ պրոֆեսորի առողջական վիճակն անհամատեղելի է ընտրված խափանման միջոցի հետ։ Սա այսօրվա քաղաքական իշխանության կողմից խոշտանգում է, քաղաքական պատվերով հետապնդում ոչ միայն Արմեն Չարչյանի, այլև մեր խմբակցության մյուս պատգամավորների նկատմամբ»,-նշել է Սաղաթելյանը։