Խորհրդարանը քննարկում է հայհոյանքը քրեականացնելու նախագիծը

Խորհրդարանն արտահերթ նիստում քննարկում է «ՀՀ քրեական օրենսգրքում» լրացում կատարելու մասին և կից ներկայացված օրենքների նախագծերի փաթեթը, որով առաջարկվում է քրեականացնել հայհոյանքը։

Հիմնական զեկուցող, «Իմ քայլը» խմբակցության պատգամավոր Վլադիմիր Վարդանյանի խոսքով՝ մարդու իրավունքների կոպիտ խախտում է նրան հայհոյանքով վիրավորելը։

«Կարծում եմ՝ ոչ մեկի համար բացահայտում արած չեմ լինի, որ ասեմ՝ հայհոյանքը հայ հասարակությունում եղել է, կա և մնալու է պատժելի։ Այլ հարց է՝ պետությունը քաղաքացուն թողնելո՞ւ է մենակ, թե՞ օրենքով սահմանելու է հայհոյանքի արգելք»,- նշեց նա։

Ըստ Վլադիմիր Վարդանյանի՝ խնդիրն էլ ավելի է բարդացել, երբ մարդիկ կարողանում են հեռահար եղանակով հայհոյել միմյանց։