Ուզում եմ մեր երևանցիներին ուրախալի լուր հայտնել․ Հայկ Մարության

Երևանի ավագանու այսօրվա՝ դեկտեմբերի 21-ի նիստը սկսելուն պես 30 րոպեով ընդմիջվեց՝ քվորում չլինելու պատճառով։

Քաղաքապետ Հայկ Մարությանը հայտնեց․

«Ուզում եմ մեր երևանցիներին ուրախալի լուր հայտնել․ այսօր ևս 280 վերելակի մրցույթ է հայտարարվել։ Ստացվում է, որ 2021 թվականին մենք արդեն տեղադրել ենք 54 վերելակ, որը հատուկ նախատեսված էր մեր վերջին պատերազմական գործողությունների հետևանքով հաշմանդամություն ստացած զինվորների համար, 46 վերելակի մրցույցն այս պահին արդեն ընթացքում է՝ ստացվեց՝ 100։ Ընդհանուր արդեն 520-ը տեղադրված էր, ինչը դարձավ 620, և 100-ը ավելի վաղ հայտարարվել էր, որ մրցույթը հայտարարված է, ևս այս 280-ի համար էլ այս պահին մրցույթը հայտարարվեց։ Փաստացի՝ 2022 թվականին մենք Երևանում ընդհանուր կունենանք փոփոխված, լրիվ նոր 1000 վերելակ»,- ասաց նա։