Պատգամավորի պսակադրությանը մոտ 500 հյուր է մասնակցել. «Հրապարակ»
- Jul 27, 2021
- 1 min read
«Հրապարակ» օրաթերթը գրում է.
«Ինչպես արդեն տեղեկացրել ենք, շաբաթ օրը ԱԺ պատգամավոր Հայկ Սարգսյանի (մականունը՝ Շիշ բռնող) հարսանիքն էր։ Այն տեղի է ունեցել Երևանի ամենաթանկարժեք ու վերջին շրջանում մոդայիկ դարձած ռեստորանային համալիրներից մեկում` Prime hall-ում։ Մոտ 500 հյուր է մասնակցել՝ կրիմինալ աշխարհից մինչեւ քաղաքական։ Ներկա են եղել նորատուսցի հայտնի հեղինակությունները, Չաղ Ռուստամը, ուրիշներ, ինչպես նաև քաղաքական դեմքեր, այդ թվում Նիկոլ Փաշինյանը՝ իր ընտանիքով։
Պսակադրության արարողությունը կատարվել է Սաղմոսավանքում, եկեղեցու բակում էլ կազմակերպվել է զագսի արարողությունը։ Իսկ տորթն այնքան շքեղ է եղել, ճիշտ նույնչափ, որքան Ծառուկյանի որդու հարսանեկան տորթն էր, որ վրդովմունք էր առաջացրել համացանցում։ Հարսանիքը ծաղկեցրել են ռաբիսի արքա Թաթուլ Ավոյանը, Թաթա Սիմոնյանը, Իվետա Մուկուչյանը և այլք։ Սարգսյանի ընտրյալը հայտնի Հայրապետյան եղբայրներից մեկի թոռնուհին է` Օլյա Հայրապետյանը»։
Comments