Հեղուկ վառելիքի վաճառքը ստուգաչափված չափման միջոցներով չիրականացնելն առաջացնում է տուգանք
Շուկայի վերահսկողության տեսչական մարմնից հայտնում են․
«Հարգելի՛ քաղաքացիներ և տնտեսվարողներ, «Վարչական իրավախախտումների վերաբերյալ» ՀՀ օրենսգրքում սույն թվականի մարտի 24-ին կատարված փոփոխությունների համաձայն հեղուկ վառելիքի, սեղմված բնական կամ հեղուկացված նավթային կամ ածխաջրածնային գազերի մանրածախ առևտրի կետերում հեղուկ վառելիքի, սեղմված բնական կամ հեղուկացված նավթային կամ ածխաջրածնային գազերի վաճառքը տեսակը հաստատված և ստուգաչափված չափման միջոցներով չիրականացնելը և (կամ) չափագիտական կանոնները և նորմերը խախտելը՝
-առաջացնում է տուգանքի նշանակում պաշտոնատար անձի նկատմամբ՝ սահմանված նվազագույն աշխատավարձի հինգհարյուրապատիկի (5 հարյուրապատիկ) չափով:
Նախատեսված արարքը վարչական տույժի նշանակման օրվանից մեկ տարվա ընթացքում կրկին կատարելը՝
-առաջացնում է տուգանքի նշանակում պաշտոնատար անձի նկատմամբ՝ սահմանված նվազագույն աշխատավարձի հազարապատիկի չափով»»։
Comments