Հայաստանից մի շարք ապրանքների արտահանումը ժամանակավորապես կարգելվի

Հայաստանից խոշոր եղջերավոր անասունների կամ ձիազգի կենդանիների, ոչխարների չմշակված մորթեր կամ գառների մորթիկների արտահանումը ժամանակավորապես կարգելվի։ Հարցն ընդգրկված է կառավարության՝ վաղվա նիստի չզեկուցվող հարցերի փաթեթում։

Կառավարության այս որոշման համար հիմք է հանդիսացել «Եվրասիական տնտեսական միության մասին» պայմանագրի 47-րդ հոդվածը և «Առևտրի և ծառայությունների մասին» Հայաստանի Հանրապետության օրենքի 2-րդ հոդվածի 27-րդ պարբերությունը։ Արգելքը գործելու է որոշման ընդունման հաջորդ օրվանից՝ վեց ամիս ժամկետով։