Տիգրան Գրիգորյանը ազատվել է Արմավիրի քննական բաժնի պետի պաշտոնից

ՀՀ ոստիկանության համակարգում կադրային փոփոխություններ են տեղի ունեցել։ Ոստիկանության պետ Վահե Ղազարյանի հրամանով` Տիգրան Գրիգորյանը, իր դիմումի համաձայն, ազատվել է Ճանապարհային ոստիկանության Արմավիրի քննական բաժնի պետի պաշտոնից։

Նրա փոխարեն, ՀՀ ոստիկանապետի մեկ այլ հրամանով, նշանակվել է Արարատ Թևոսյանը, որը մինչ այդ աշխատում էր Ճանապարհային ոստիկանության ճանապարհատրանսպորտային պատահարների գործերով հետաքննության և վարչական վարույթի իրականացման բաժանմունքում՝ որպես ավագ հետաքննիչ։