Հրազդանի կիրճից 37-ամյա քաղաքացի է բերման ենթարկվել. հայտնաբերվել է թմրանյութ (տեսանյութ)
- Nov 10, 2021
- 1 min read
Ոստիկանության Մալաթիայի բաժնի ծառայողներն ապօրինի թմրամիջոց պահելու և օգտագործելու հերթական դեպքն են բացահայտել:
Այդ մասին տեղեկացնում է ՀՀ ոստիկանությունը:
Նոյեմբերի 4-ին քրեական հետախույզները Հրազդանի կիրճից, իր «Օպել» մակնիշի մեքենայով հանդերձ, բաժին բերման են թարկել Վիլնյուսի փողոցի 37-ամյա մի բնակչի: Նրա անձնական խուզարկությամբ հայտնաբերվել է 2 փաթեթ դեղնականաչավուն զանգված, իսկ մեքենայի զննությամբ ևս մեկ փաթեթ՝ նմանատիպ բուսական զանգվածով ու կաթուցիչ:
Նշանակվել են փորձաքննություններ: Փաստի առթիվ նախապատրաստվում են նյութեր:
Comments