Բջնիում հրդեհ է բռնկվել

Կոտայքի մարզային ճգնաժամային կառավարման կենտրոն սեպտեմբերի 12-ին, ժամը 12:13-ին ահազանգ է ստացել, որ Բջնի գյուղի 4-րդ թաղամասի տներից մեկի բակում այրվում է կուտակած անասնակեր:

Ըստ ՀՀ արտակարգ իրավիճակների նախարարության, հրդեհը բռնկվել է 12-րդ փողոցի տներից մեկի բակում գտնվող անասնագոմում:

ԱԻՆ փրկարար ծառայության մարզային փրկարարական վարչության հրշեջ-փրկարարական ջոկատների երեք մարտական հաշվարկների ուժերով հրդեհը մեկուսացվել է ժամը 13:12-ին, մարվել՝ 16:07-ին: Այրվել են անասնագոմի փայտե կառուցատարրերը (մոտ 60 քմ) և մոտ 320 հակ անասնակեր։

Հրշեջ-փրկարարներն անասնագոմից դուրս են բերել կենդանիներին։