Ջերմաստիճանի անոմալ բարձրացում կարող է նպաստել հրդեհների բռնկմանը. ԱՀ ԱԻՊԾ

Արցախի Հանրապետության տարածքում տեղի ունեցող հրդեհների վերլուծությունը վկայում է, որ դրանք հիմնականում տեղի են ունենում չոր խոտածածկ տարածքներում։ Առաջիկա օրերին սպասվում է ջերմաստիճանի անոմալ բարձրացում: Այս մասին տեղեկացնում է Արցախի Հանրապետության ԱԻՊԾ-ն:

Հրդեհների գերակշիռ մասը տեղի է ունենում կրակի հետ անզգույշ վարվելուց, հրդեհային անվտանգության կանոնները խախտելուց: Աղետալի հետևանքներից խուսափելու համար ԱԻ պետական ծառայությունը կոչ է անում պահպանել հրդեհային անվտանգության կանոնները, որից նույնիսկ աննշան շեղումը կարող է բերել լուրջ հետևանքների: