«Երևան Ջէկ»-ի տարածքում բռնկված հրդեհը մարվել է, վնասի չափը պարզ է

«Երևան Ջէկ»-ի տարածքում բռնկված հրդեհը մարվել է։ Տեղեկությունը հայտնում է ՀՀ ԱԻՆ մամուլի ծառայությունը։ Նշվում է, որ հրդեհը մեկուսացվել է ժամը 19։00-ին, մարվել 19։40-ին։

«Այրվել է մոտ 4 հա խոտածածկ տարածք և մոտ 20 հա բուսածածկ տարածք»,–նշված է հաղորդագրության մեջ:

Այսօր` ժամը 16։15-ի սահմաններում, Ճգնաժամային կառավարման ազգային կենտրոն ահազանգ էր ստացվել, որ Երևանի Արին Բերդի փողոցում` «Երևան Ջէկ»-ի տարածքում հրդեհ է բռնկվել։