Բոլոր ՔՊ-ականների աշխատասենյակներում էլ կա՞ Նիկոլ Փաշինյանի լուսանկարը․ ի՞նչ փոխվեց 2018-ից հետո
- Aug 21, 2021
- 1 min read
Արդեն մի քանի օր է, ինչ մամուլում և սոցցանցերում քննարկվում է ԱԺ պաշտպանության, ներքին գործերի և ազգային անվտանգության հանձնաժողովի նախագահ Անդրանիկ Քոչարյանի աշխատասենյակի պատին կախված վարչապետ Նիկոլ Փաշինյանի լուսանկարը։
Լրատվամիջոցներին հասած տեղեկություններով՝ լուսանկարից մեծ քանակով պատրաստվել է և բաժանվել բոլոր պաշտոնյաներին ԱԺ-ում և կառավարությունում: Այդ տեղեկությունը հաստատել էր նաև Անդրանիկ Քոչարյանը, երբ լրագրողները նրանից հետաքրքրվել էին, թե ինչու է իր աշխատասենյակում փակցրել վարչապետի լուսանկարը։ Քոչարյանն արձագանքել է, որ բոլորի աշխատասենյակներում էլ կան փակցված լուսանկարներ։
ՔՊ-ական Վահագն Ալեքսանյանն էլ «Ազատությանը» հայտնել է, որ իրենց սենյակներում փակցված է իրենց քաղաքական թիմի առաջնորդի լուսանկարը։
Նկատենք, որ 2018թ-ի իշխանափոխությունից հետո Նիկոլ Փաշինյանը հրահանգել էր բոլոր աշխատասենյակների պատերից հանել երկրի ղեկավարների նկարները և հայտարարել էր, որ այլևս երբեք այդ նկարները պաշտոնյաների պատերին չեն փակցվելու:
留言