Իրանը հավանություն է տվել կորոնավիրուսի դեմ սեփական արտադրության պատվաստանյութի օգտագործմանը

Իրանի Իսլամական Հանրապետության իշխանությունները հավանություն են տվել կորոնավիրուսի դեմ հայրենական արտադրության առաջին պատվաստանյութի՝ COVIran Barekat-ի օգտագործմանը: Հայտնում է The Associated Press- ը։

Պատվաստանյութը ստեղծվել է ապաակտիվացված վիրուսի հիման վրա՝ իրանական Shifafarmed դեղագործական ընկերության կողմից։ Պատվաստանյութի անվտանգության և արդյունավետության վերաբերյալ առաջին ուսումնասիրությունները սկսվել են նախորդ տարվա դեկտեմբերի վերջին: