Իրանի ԱԳՆ-ն անդրադարձել է Գորիս-Կապան ճանապարհով անցնող իրանական բեռնատարների թեմային
Ադրբեջանական ոստիկանությունն արդեն երկրորդ օրն է՝ կանգնեցնում ու ստուգում է Գորիս-Կապան ճանապարհով անցնող իրանական բեռնատարները։ Իրանի արտաքին գործերի նախարարությունը մեկնաբանել է Հայաստանի հարավում տիրող իրավիճակը։
ԱԳՆ պաշտոնական ներկայացուցիչ Սաիդ Խաթիբզադեն հայտարարել է, որ հարևանների հետ հարաբերություններն Իրանի համար առաջնահերթություն են, այդ գերակայությունը նախագահ Էբրահիմ Ռաիսիի արտաքին քաղաքականության հիմնարար մոտեցումներից է:
«Մենք փորձում ենք օգտագործել Իրանի Իսլամական Հանրապետության հնարավորությունները տարածաշրջանային զարգացման, խաղաղության և կայունության համար՝ բոլոր հարևանների մասնակցությամբ։ Մասնավորապես՝ օրակարգում են մեր հարաբերությունները Հայաստանի, ինչպես նաև մեր մյուս հարևանների հետ», - Խաթիբզադեի խոսքը մեջբերում է «Azariha» հեռուստաալիքը։
Comments