Իրանի ԱԳՆ արձագանքը՝ Կասպից ծովում ընթացող թուրք-ադրբեջանական զորավարժություններին

Իրանի ԱԳՆ-ն արձագանքել է Կասպից ծովում թուրք-ադրբեջանական զորավարժություններին՝ հիշեցնելով ոչ կասպիական պետությունների զորքերի ներկայության մասին կոնվենցիայով սահմանված արգելքը:

Պատասխանելով լրագրողների հարցին՝ Իրանի դիվանագիտական գերատեսչության ներկայացուցիչ Սաիդ Խաթիբզադեն հայտարարել է, որ Կասպյան ավազանի բոլոր հինգ երկրները (Ռուսաստան, Իրան, Ադրբեջան, Ղազախստան, Թուրքմենստան) պայմանավորվել են, որ այլ պետությունների ռազմական ներկայությունն անօրինական է։